10 di kota marudu - Google Blog Search
10 di kota marudu - Google Blog Search |
| Edward gumuli monupu rekod mamanau sumunsuri | BorneoPost <b>...</b> Posted: 05 Mar 2012 02:34 PM PST Posted on March 6, 2012, Tuesday PENAMPANG: Kalapas induo noh koponupu rekod idsuang 'Malaysia Book of Record' miampai mamanau kakod sumunsuri, Edward Taning, 50, gmuli kawagu monupu rekod kawawagu mamanau kakod kisinodu 404 kilometer mantad Lahad Datu pakaayan id Kota Kinabalu. Onu ih kopongunsikou kumaa tanak kinoiyonon Inanam diti, isio nopo nga tulun nopiladsa (OKU) koiso id pogun diti ih kamampu mamanau kakod sumunsuri ih kisinodu ratusan kilometer. Pogului diti, nokoumbal isio minonupu susuyan sabaagi rayat Malaysia kumoiso ih suminalakoi Nuluw Nabalu miampai mamanau sumunsuri di toun 1992. Kalapas 17 toun, guminuli kawagu Edward miampai gaab di iso'i nga ralan di misusuai di toun 2009 soira nakaanu minonupu rekod mamanau sumunsuri kisinodu 342 kilometer mantad Sandakan pakaayan id Kota Kinabalu. "Onu ih poburuon ku diti okon montok mogium kointutunan '(populariti), muhang oku popokito do tinimungan OKU tuh kaanu nogi monupu kalantayan," ka dau. Noboros disio ino id pitimbungakan abar kalapas nokorikot hiti kopinamot Ababayan Koponimpuunan Ponutuban Ababayan 1Malaysia 偁alk Backward Move Forward For Charity?pinanjur pinitambaan 1Malaysia Komuniti miampai Koisaan Kotundunan om Balajaran Kadazandusun Murut Sabah (Pekadin) konihab. Minoboros Edward do panganjuran ababayan dino nokomoi miampai projek kopomuhuan kousinan torurukut montok monulung duwo tinan sikul labus kakadaian om iso longkod kotundunan id pogun diti. "Ababayan diti kitujuan manahak do kouhupan kumaa Sikul Kabansaan (SK) Tagibang, Kota Marudu, SK Mantob, Tuaran om nogi Rumah Bukit Harapan, Inanam. "Maya toluod di opuhu tokou poompus kapanganjuran ababayan diti, aharap ino kaanu monulung momonsoi asrama kampung montok SK Tagibang om nogi sabaagi sokodung kumaa SK Montob om Rumah Bukit Harapan,?ka dau. Suai mantad dino, ka dau, toun diti mamalan nogi isio montok monupu rekod mamanau kakod sumunsuri kisinodu 600 kilometer mantad Bintulu pakaayan id Kuching Sarawak. Montok timpu diti, isio kakaal id timpu pogibabarasan miampai boogian panaja montok papatatap do tadau di kangaam montok papaharo do ababayan dino. "Baino diti mangatag ikoi do ino pohoroon do wulan Kosiam toun diti om toun tabantalan, potilombuson ku kagu projek ih iso'i miampai tambaan piwolitan kisinodu 781 kilometer mantad Tawau pakaayan id Labuan," ka dau. Minonusui kawagu toilalaan dau poompus pindalanan mantad Lahad Datu ih tuminimpuun di ontok 12 Februari nakatalib, aiso nunuunu kinosindualan di Edward toiko kaantaban tagayo montok momupus do pindalanan dau gisom nopupusan di konihab. Pindalanan solinaid 22 tadau dino nogi winoyo di 11 tulun 'krew' ih mintamong disio poompus ababayan dino. "Nosindualan oku tokuudi nopo id lukap kakod ku ontok kiharo id boogian Telupid kiikira jam 2.30 minsusuab sabap nokoodop oku ontok mamanau. "Iti natadon do noulakan ku kakod sondiri om karatu nga longon ku nokosiwat minanahan mantad naratu id kooyuon lobi taraat. "Tikid tadau ku monimpuun do pandalanan mantad jam 10 dongotuong gisom 10 kosuabon. Iti sabap tutuduk dokutur sabap nakakandai oku toruol raha akawas om timpu tangadau au kangaam montok dogo popolombus do pindalanan," ka dau. Aiso mononontuduk, papanau isio pingludaan sondiri miampai mamanau, berjoging, om manangkus id koiyonon sorili kampung dau id Kiulu, Tamparuli montok koposodiaan do ababayan dino. Tapa kumaa apat tulun tanak diti nokotoguang kinakungan kapaamung tonsi id kakod ponong wanan dau mantad podi kiumur isio siam toun. Nokosiwat Edward poposorou doid tinimungan OKU tuh au asaanang lumomi ginawo montok minggisom momodimpot kalantaian koposion. Ka dau, karaja di opurokis nogi obuli popokito OKU kaanu monoluod winakas kumaa rayat. Namot dino, Puru Lamin Koundangan Pogun (ADUN) Inanam, Datuk Johnny Goh ontok minanahak boboroson pinotimpuun do ababayan dino minoboros do kinalantayan ih sinupu di Edward ponokotanda do sunduan takawas ih poingigit dau kamampu monokialit tulun di ogirot tinan "Nakaanu isio pinopokito do kinokungan okon ko pangantob montok monupu kalantaian om tumilombus papaharo kopomirukutan kotundunan kumaa rayat," ka di Johnny Goh. |
| You are subscribed to email updates from di kota marudu - Google Blog Search To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
0 ulasan:
Catat Ulasan